Komjuder-Einschald-Zeddel Fer Auswerdische bei de EITITI

Auf das alle Nichthessen jetzt mal richtig schwitzen...

Einem hochqualifizierten Team hervorragenster Professoren und Sprachwissenschaftler ist es nunmehr gelungen, die einfache, aber kaum verständliche Babbelschbraach unserer Kunden im hessischen Ausland zu analysieren. Diesem Team ist es erstmals gelungen, einen auch für diese Spezies verständliche Bedienungsanleitung für Computer zu erstellen.

Computer-Anleitung auf hessisch:

Komjuder-Einschald-Zeddel Fer Auswerdische bei de EITITI

Kabiddel 1: Saft druff:

Am Kasde unnem Scherm de reschde Knobb neidrigge bisser eirast.

Ufbasse: Es hubt.

Hubts net: Gibt's net, noch net passiert! (Knobb muss drinbleiwe!!!) Des Bernsche - wo links newer dem Knobb wo mer neidrigge muss leit - iss die Bern wo brenne muss, damit mer waas, dass des Ding Saft hot. (Wenn de Bern net brennt, hot des Ding kaan Saft.)

Dann: Net lang maule, erst gugge ob die - die hinne aus dem Ding wo der Knobb draa is, den mer neidrigge muss - in dere Dohs drinn steggt, die mit dem Iwwerlandwerg zusammenhengt. Iss die Schnurr draa , dann aaner rufe, der die Bern zum brenne bringt.

Kabiddel 2: Umschalt Knobb drigge:

Der Knobb wo uff dem annern Ging, wo all die annern Knebb aach druff sinn - der wo zwaa Pfeilscher owwe druff hot unn wo die grie Bern unnedrunner iss, runnerdrigge.

(Nur aamohl!!!) Brennt die grie Bern, isses gut! Brennt se net, aach!

Kabiddel 3: Aamelde:

Eigewwe von dene Knebb - die wo uff dem annern Ding, wo all die annern Knebb aach druff sinn, do wo aach die der Knobb mit denen zwaa Pfeilsche unnn dere grie Bern druff is - die Knebb drigge, die mer drigge muss, wemmer sisch aamelde will. Des haas:

Mer muss die Knebb drigge, wie mer haasd.

Driggd ma die falsche Knebb, haasd mer net so. Des haasd: Mer muss unbedingt die rischdige Knebb drigge.

Kabiddel 4: Aagemeld:

Wemmwe drinn sinn, SCHAFFE!!!

Kabiddel 5: Abschalde:

Uff de Scherm gugge, awwer konsequent unn wadde bisses gracht oder die Uhr schdehd.

Dann: Zusammepagge unn nix wie haam.